Plantun de Prouvènço

Pèr coumpara dos planto d'encò nostre

Geum urbanum & Cruciata pedemontana

Erbo-de-sant-Benòni

Geum urbanum

Rosaceae

Àutri noum : Erbo-benido, Erbo-de-sant-Benet, Benido, Benouito.

Noms en français : Benoîte commune, Herbe de saint Benoît.

Descripcioun :
L'erbo-de-sant-Benòni es uno planto coumuno de bos fres que se recounèis à si fueio coumpausado, si flour jauno pourtado pèr un long pecou, pièi sis akène roujo amé un long estile.

Usanço :
Li jóuini fueio podon èstre manjado en ensalado, pamens èi subretout la racino óudouranto qu'es emplegado coume sabourun, à la plaço dóu clavèu de girofle. Douno de goust au vin, à l'aigardènt e i dessèr. Aquesto racino estènt proun astringènto s'emplego coume venoutounico (cambo lourdo e moureno) e contro la fouiro. A peréu d'ùni prouprieta antiseptico e analgesico.

Port : Erbo
Taio : 0,3 à 1 m
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Geum
Famiho : Rosaceae

Ordre : Rosales

Coulour de la flour : Jauno
Petalo : 5
Ø (o loungour) flour : 1 à 1,5 cm
Flourido : Printèms - Estiéu

Sòu : Ca
Autour basso e auto : 0 à 1700 m
Aparado : Noun
Mai à setèmbre

Liò : Bos fres - Orle de bos - Ribiero - Roubino
Estànci : Mesoumediterran à Mountagnard
Couroulougi : Éurasiatico-Cèntre-Ouèst
Ref. sc. : Geum urbanum L., 1753

Crouseto(-dóu-Piemount)

Cruciata pedemontana

Rubiaceae

Nom en français : Croisette du Piémont.

Descripcioun :
Aquelo crouseto douno d'èr à uno pichoto Cruciata laevipes e, se trachis en coulounìo èi pamens uno planto de l'an que se vèi dins li relarg pulèu mountagnous. La planto èi proun pelouso d'en pertout. La varieta, emé mai de flour, ié dison pedemontana.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 2 à 30 cm
Fueio : Verticilado
Tipe bioulougico : Teroufite
Cicle bioulougico : Planto de l'an

Gènre : Cruciata
Famiho : Rubiaceae

Ordre : Gentianales

Coulour de la flour : Jauno
Petalo : 4
Ø (o loungour) flour : 1 mm
Flourido : Printèms

Sòu : Ca
Autour basso e auto : 300 à 1700 m
Aparado : Noun
Abriéu à jun

Liò : Prado umido - Pelouso - Relarg à jóunis aubret
Estànci : Subremediterran à Subaupen
Couroulougi : Eurimediterrano
Ref. sc. : Cruciata pedemontana (Bellardi) Ehrend., 1958

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Geum urbanum & Cruciata pedemontana

Coumpara Erbo-de-sant-Benòni emé uno autro planto

Coumpara Crouseto(-dóu-Piemount) emé uno autro planto